Gipuzkoako Foru Aldundiak bultzatutako fundazio bat gara eta zahartzearen erronka berrikuntza sozial, ekonomiko eta teknologikorako aukera bihurtzea dugu helburu.

Gure egiteko nagusia zahartze osasungarri eta kalitatezkoaren eredu berri bat sustatzea da, pertsonengan oinarritua, jasangarria eta lankidetza publiko-pribatuan euskarritua.

Erakunde publikoen, enpresen, ikerketa-zentroen eta gizarte-eragileen arteko lankidetzatik abiatuta, berrikuntza sustatzen dugu hainbat eremutan, hala nola: osasunaren prebentzioan eta sustapenean, ongizate integralean, arreta soziosanitarioan eta erabiltzailea ardatz duten inguruneetan.

700 eragilez osatutako ekosistema bat daukagu. Ekosistema hau herri-administrazioek, gizarte-erakundeek, enpresek, prestakuntza- eta trebakuntza-zentroek eta berrikuntzako eta ikerkuntzako erakundeek osatzen dute;horrez gain, 2024-2027 Berrikuntza Agenda Estrategikoa daukagu. Agenda honek gure jarduerak zuzentzen ditu eta ekosistema osoa artikulatzen eta lerrokatzen du, zahartzearekin lotutako erronkei erantzuteko. 4 erronka handitan, 7 helburu estrategikotan eta 25 ekintza-ildotan oinarrituta dago, pertsonen ongizate integrala hobetzeko eta bizitza-luzeraren ekonomian lehiakortasun aukerak sustatzeko.